Luka 23:41 - Bhiblia Yo Sawuleka

⁴¹ I di athu hi tsayiswa ngu kona; hi dihela mithumo yathu. Kasi ene kha onha txilo.”

Luka 23:41 Referans Kwoze

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

Matewu 27:4

a txi khene: “Ni onhile ni nga ningela mnoha wo mbi na mnandu!” Vona va to kha vona: “Ti womba txani eto kwathu kani? Eto ndako wekhelela!”

Jakobe 4:7

Ngu konaho, ti vekeni hahatshi masoni ka Txizimu, kambe lambani ku ti ningela ka Sathani, se ene a na mi thava.

Matewu 27:54

Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Nehemiya 9:3

Sekoko va di emile ka makhalo awe, va to gondelwa dibhuku da Mlayo wa Mkoma, Txizimu txawe, ngu txipimo txa wumune txa ditshiku; se ka txipimo tximwani txa wumune, va to titshanza, ve khozela Mkoma, Txizimu txawe.

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

Luka 23:40

Aniko awule mmwani a to teka dipswi a txi mu kawuka, a txi khene: “Khu xoniphi Txizimu, hambiko nawe u manekako u di kona kuabaniswani kumweko nayo, kani?

Luka 23:42

Se a to txhatekela mapswi a ku khene: “Jesu, ni alakanye, mbimo yi u no wulela Mfumoni kwako.”

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.