Luka 23:34 - Bhiblia Yo Sawuleka

³⁴ Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Luka 23:34 Referans Kwoze

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Varoma 12:14

Katekisani va va mi zondako, va katekiseni, mi nga wombeni kubiha ngu vona.

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

Masalmo 22:18

Va abanile syambalo sangu ve xaxuva tixolo ngu dibhaji dangu.

Genesisi 50:17

Mi na ya womba ka Josefa mi txi khanu: Na kukombela, divalela vananu minandu yawe ni sionho sawe, nguko va ku mahete wubihi; konakuwa koko, ha kukombela, ti to u divalela sionho sa sithumi sa Txizimu txa tate wako. Se Josefa a di engisile toneto, a to dila.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Mithumo 3:17

“Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

1 Vakorinto 4:12

ha karala ngu kuthuma ngu manza athu. Hi txi rukwa, athu ha katekisa; hi txi xaniswa, athu ha timisela;

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Marku 15:24

Ngu msana va to mu bethela ha txihambanoni, ve abanela syambalo sakwe vona ngu txawe, va di thangile ngu kuxaxuva tixolo kasi kuwona atxi txi no lumba mmwani ni mmwani.

Matewu 11:26

Ina, awe Tata, nguko eto ti mahekile ngu kuranda kwako.

Luka 22:42

“Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Johani 17:9

Ani na va khongelela, kha ni khongeleli ditiko, aniko ni khongelela va u nga ni ninga, nguko mbako.

Mithumo 16:28

Kambe Paulo a to kwangula ngu dipswi da hombe, a txi khene: “U nga ti mahe ta walo, nguko hi ho hotshethu.”