Luka 23:33 - Bhiblia Yo Sawuleka

³³ Ngako va di hokile ka wukhalo wu wu dhanwako ku i “Txikwakwa,” va to mu bethela ha txihambanoni Ene ni sigevenga sile sa simbidi, tximwetxo ngu didhawa da txineneni kwakwe, tximwani ngu didhawa da txibhabha kwakwe.

Luka 23:33 Referans Kwoze

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Johani 18:32

Atiya ti mahekile kufela kutatiseka dipswi di Jesu a ngadi womba ngu ti a no fisa tona.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Mithumo 13:29

Ngako va di hetile totshe timhaka ti ti nga bhalelwa ene, va to mu hawula ha phandeni ve mu tshotsha diyivani.

Mithumo 5:30

Txizimu txa vatate vathu txi wusile Jesu, awule anu mi nga m'daya, ngu ku mu hayeka ha phandeni.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Johani 3:14

Nga kule Mosi a nga hayeka mnyoka txiwulani, kufana ni toneto nene Mwanana wa M'thu a na hayekwa,

Luka 24:7

‘Mwanana wa M'thu a fanete kuningelwa manzani ka vaonhi, a txi bethelwa ha txihambanoni e tshumela e wuka ngu ditshiku da wuraru.’ ”

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Masalmo 22:16

Timbwa koko ti ni randete; mtxawa a sigevenga wu ni randete; va ni vharulete manza ni mikondo yangu.