Luka 23:25 - Bhiblia Yo Sawuleka

²⁵ A to thukunyula awule a nga ti khotetwe ngu mhaka ya kuwusa yimbi ni kudaya m'thu, kota nga ti vona va nga txi vilela tona, se e va ninga Jesu, va txi ya mu maha tiya vona va nga txi lava tona.

Luka 23:25 Referans Kwoze

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

Marku 15:15

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.

Johani 18:40

Sekoko vona va to kwangula, va txi kha vona: “U nga thuse eyo, thusa Bharabhasi!” Kasi Bharabhasi wuwa i ti ti dikhamba.

Luka 23:5

Aniko vona va to tamarisa va txi kha vona: “Ene wa kujetela vathu kuwusa vhilinganya, a txi gondisa ka dotshe ditiko da Judheya, kukhukhela Galileya, amuwa a nga khatela kona kala kuhoka hawa.”

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Matewu 27:26

Sekoko Pilato a to thukunyula Bharabhasi, e rumela ti to Jesu a na kwapelwe ngu sisepu, ngu msana e mningela kasiku eya bethelwa ha txihambanoni.

1 Samuwele 12:13

Konkuwa koko, wonani mfumeli wu mi nga ti sawulela, awule mi nga mkombela; kambe wonani taku Mkoma a vekile mfumeli txitimwi kwanu.

Luka 23:24

Sekoko Pilato a to wila ti to ku na mahwe ati vona va nga txi kombela tona;

Luka 23:26

Se mbimo yi va nga ti mu heleketa, va to kurumeta Simoni wa Kirene, a nga ti wuya ngu thembweni, va txi mu pakatisa txihambano, na a txi txi pakata ngu msana ka Jesu.

Johani 19:16

Sekoko Pilato a to ningela Jesu kwawe, kasiku va txi ya mu bethela ha txihambanoni.

Esteri 3:11

Se mfumeli a txi khene ka Hamani: Ni kuninga silivhela yiya ni vathu vava, kasi ku u maha ngu vona, ati ti tsakisako masoni kwako.