Luka 23:23 - Bhiblia Yo Sawuleka

²³ Aniko vona va txi tamarisa ngu mapswi a kumaha diguwa, va txi kombela ti to a na bethelwe ha txihambanoni, kambe diguwa dawe di to xula.

Luka 23:23 Referans Kwoze

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Luka 23:5

Aniko vona va to tamarisa va txi kha vona: “Ene wa kujetela vathu kuwusa vhilinganya, a txi gondisa ka dotshe ditiko da Judheya, kukhukhela Galileya, amuwa a nga khatela kona kala kuhoka hawa.”

Marku 14:31

Aniko ene a to engeta e tsanisa ngu mtamo a txi khene: “Hambi idiku to laveka kufa kumweko ni nawe, ani kha ni na mbi kulamba.” Se votshe va to wombisa toneto ni vona.

Luka 23:22

Sekoko Pilato a to va angula ka wuraru, a txi khene: “Kasi njionho muni a nga txi maha Ene kani? Kha na mana txilo kwakwe, txi sikotako ku mu abanisela kufa. Ngu kota yeto, ni na mu thukunyula e tsula, msana ka ku mu tsayisa.”

Luka 23:24

Sekoko Pilato a to wila ti to ku na mahwe ati vona va nga txi kombela tona;