Luka 23:2 - Bhiblia Yo Sawuleka

² va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Luka 23:2 Referans Kwoze

Johani 19:12

Kukhukhela ka yona yile mbimo, Pilato a ti zama ku mu thukunyula, kambe Vajudha va so kwangula, va txi kha vona: “Ngako u txi mu thukunyula, khu engisani ni Khezari, nguko wuhi ni wuhi a ti mahako mfumeli, a kanyisa Khezari.”

Luka 23:14

a txi khene kwawe: “Mi tisile m'thu wuwa masoni kwangu, mi txi khanu Ene i mkujeteli wa vathu. Ni mu wotisile masoni kwanu, kambe kha na mana txionho ni txa tximwetxo ka sile mi mu mangalelako ngu sona.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Johani 18:30

Vona va to mu xamula, va txi kha vona: “Idiku ova asi nga ni mnandu, nga hi sa mtisa hawa kwako.”

Marku 12:17

Se Jesu e va xamula a txi khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Se va to xamala ngutu.

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Mithumo 24:13

Ni kadotho kha va na kusikota kukomba ditshuri da mhaka yi va ni wukelako ngu yona konkuwa.

Luka 23:5

Aniko vona va to tamarisa va txi kha vona: “Ene wa kujetela vathu kuwusa vhilinganya, a txi gondisa ka dotshe ditiko da Judheya, kukhukhela Galileya, amuwa a nga khatela kona kala kuhoka hawa.”

Matewu 17:27

Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”

Amosi 7:10

Sekoko Amaziya, mphaxeli wa Bheteli, a rumisa kugela Jerobhowamu, mfumeli wa ka Israyeli: Amosi a womba-womba kubiha ngu ngawe hagari ka vathu va ka Israyeli; mafu ma na mbi xaniswa ngu mapswi otshe ya a ma wombako.

Masalmo 35:11

Tifakazi ta makuhu ti ni wukete, ti ni wotisile ngu timhaka ti ani ni nga mbi ti maha.

1 Vafumeli 18:17

Se ku to maheka ti to mbimo yile Akabe a nga wona Elija, a to khene kha Akabe: Ngawe mkhulumeteli wa Israyeli kani?

Matewu 27:11

Jesu a to yiswa masoni ka mfumeli Pilato, awu a nga mu wotisa a txi khene: “Ngawe mfumeli wa Vajudha kani?” Jesu a to xamula a txi khene: “U womba tona.”

Marku 15:2

Pilato a mu wotisile ku khene: “Ngawe Mfumeli wa Vajudha kani?” Jesu a mu xamute a txi khene: “U womba tona.”

Johani 18:29

Sekoko Pilato a to huma hahanze, a txi va tshuketela hafuhi, a txi khene kwawe: “Mi mangalela m'thu wuwa ngu mhaka muni kani?”

Varoma 13:7

Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.