Luka 23:16 - Bhiblia Yo Sawuleka

¹⁶ Ngu toneto, ni na mu thukunyula e tsula, msana ka ku mu tsayisa.”

Luka 23:16 Referans Kwoze

Matewu 27:26

Sekoko Pilato a to thukunyula Bharabhasi, e rumela ti to Jesu a na kwapelwe ngu sisepu, ngu msana e mningela kasiku eya bethelwa ha txihambanoni.

Luka 23:22

Sekoko Pilato a to va angula ka wuraru, a txi khene: “Kasi njionho muni a nga txi maha Ene kani? Kha na mana txilo kwakwe, txi sikotako ku mu abanisela kufa. Ngu kota yeto, ni na mu thukunyula e tsula, msana ka ku mu tsayisa.”

Marku 15:15

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.

Mithumo 16:37

Kambe Paulo a to khene kwakwe: “Va hi pekile masoni ka vathu hi sinzi kuthethiswa, na athu hi di Varoma, ve hi vinza mkorani. Se konkuwa va lava ku hi humisa ti si ziwi ngu m'thu kani? Lambi! Va nate vona ngu wutumbu wawe, va ta hi humisa hahanze.”

Isaya 53:5

Aniko ene a pekilwe ngu sihambunyeto sathu, e xaniswa ngu mhaka ya wubihi wathu; txitsayiso txi txi hi tiselako kudikha, txi ti ti txitimwi kwakwe, se hi hanyisilwe ngu mikhwimbiriti yakwe.

Luka 6:37

“Mi nga lamuleni kasiku na nanu mi si lamulwi ngu Txizimu, mi nga ningeni mnandu vamwani, kasiku na nanu mi si ningwi mnandu; divalelani sionho sa vamwani, kasiku na nanu mi na divalelwa.

Luka 23:17

[Se ngu mbimo ya M'buso wa Pasika, Pilato a ti ni fanelo ya ku va thukunyulela mmweyo wa vale vo sungwa.]