Luka 22:45 - Bhiblia Yo Sawuleka

⁴⁵ A di gwitile kukhongela, a to wuya ka vagondiswa, a ta va mana va txi otela, ngu kupfa dikhodho.

Luka 22:45 Referans Kwoze

Matewu 26:43

Se a di tshumete e wuya kwawe, a to ta va mana kambe va di otete, nguko maso awe ma ti nemelwa ngu wukohe.

Matewu 26:40

Sekoko a di wuyile hafuhi ka vagondiswa a to va mana va di otete, se e womba ka Pedro a txi khene: “Mi tandekile ni kuwonelela txikhati txa tximwetxo ni nani kani?

Marku 14:37

Ngu msana, a to wuya kwawe, a ta va mana va di otete, se e womba ka Pedro a txi khene: “Simoni, wo otela kani? U tandekile kuwonelela txikhati txa tximwetxo kani?

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Luka 22:46

Se a txi khene kwawe: “Nji txani mi txi otela kani? Wukani, mi txi khongela, kasiku mi si wi kudukwani.”