Luka 22:42 - Bhiblia Yo Sawuleka

⁴² “Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Luka 22:42 Referans Kwoze

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Marku 14:36

A txi womba kambe ku khene: “ ‘Abba!’ Tata, totshe ta koteka kwako, thavisa digombe diya kule ni nani! Hambi keto, ti nga maheke nga kuranda kwangu, aniko ti na maheke ati awe u ti lavako.”

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Johani 18:11

Aniko Jesu a to gela Pedro, a txi khene: “Txhomeka ditxhari dako msavani ka dona. Kha ni na mbi sela digombe da sixaniso di ni nga ningwa ngu Tate kani?”

Matewu 20:22

Aniko Jesu a to mu xamula a txi khene: “Kha mi txi zivi txi mi kombelako. Ina mi nga sikota kusela digombe da wuvi di ni no sela, kani?” Vona va to xamula va txi kha vona kwakwe: “Hi nga sikota.”

Johani 5:30

“Ani ngu kwangu kha ni sikoti kumaha txilo, ani ni lamula madingano ni ti ni ti engisako; se kulamula kwangu ku lulamile, nguko kha ni lavi kumaha kuranda kwangu, aniko ni lava kumaha kuranda ka wu a nga ni ruma.”

Johani 6:38

Nguko ni txhikile ngu nzumani, i si nga ngu ku tela ku ta maha kuranda kwangu, aniko ngu ku tela ku ta maha kuranda ka wu a nga ni ruma.

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Matewu 26:44

Se e va siya, a txi tsula kambe ka wuraru, eya khongela, a txi womba onayo mapswi o fana.

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Matewu 6:10

wu nate kwathu Mfumo wako, ku na mahwe kuranda kwako, amuwa mafuni nga nzumani.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Matewu 11:26

Ina, awe Tata, nguko eto ti mahekile ngu kuranda kwako.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Mithumo 21:14

Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”