Luka 22:36 - Bhiblia Yo Sawuleka

³⁶ Se ene a to txhatekela dipswi daku khene: “Se konkuwa, awule a ku ni mkwama a na wu teke, hambi msava ni wona; ani wule a ku si nga ni ditxhari, a na xavise dibhaji e xava ditxhari dimwedo.

Luka 22:36 Referans Kwoze

1 Vatesalonika 3:4

Kha ditshuri, mbimo yi hi nga ti ni nanu, hi txi mi gela ti to hi fanete kuxaniswa, se toneto ti mahekile, nga ti mi ti zivisako tona.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Johani 15:20

Khumbukani dipswi di ni nga mi gela, mbimo yi ni nga khani: ‘Txithumi hi nga txa hombe ka nyamne wa txona.’ Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu.

Matewu 10:10

hambi kuva ni mkwama wa nzila, hambi mabhaji mambidi, hambi masandazi, hambi ndonga; nguko txithumi txi fanetwe ngu muholo wa txona.”

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

Luka 22:37

Nguko ani na mi gela ti to khani, di fanela kutatiseka kwangu dipswi di di nga bhalwa daku: ‘A batwe kumweko ni sindaka-milayo.’ Nguko ati ti nga bhalelwa ani, ti fanete kutatiseka.”

Luka 22:38

Vona va to angula va txi kha vona: “Mkoma, ahawa hi na ni matxhari mambidi!” Ene a to xamula a txi khene: “Ma dingani!”