Luka 22:32 - Bhiblia Yo Sawuleka

³² Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Luka 22:32 Referans Kwoze

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

2 Pedro 3:14

Ngu kota yeto, vo randeka, na mi txi rinzela simaha siya, ti karateni kufela ku ene a txi ta mi mana mi di basile, mi si nga ni txisolo, kambe a ne ta mi mana mi di ni kudikha.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Marku 14:72

Konaho mkuku wu to emba ka wumbidi. Se Pedro e khumbula atile Jesu a nga ti mgete taku: “Wu sanzi kuemba kambidi mkuku, awe u na ni lamba kararu.” Konaho a to khata kudila.

Marku 16:7

Tsulani mi txi ya gela vagondiswa vakwe ni Pedro, ti to ene wa mi thangela kuya Galileya, mi na ya mu wona, madingano ni ti a nga mi gelisa tona.”

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

1 Pedro 1:1

Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

2 Timoti 2:18

Vona va hambanile ni ditshuri ngu kuwomba ti to ta kuwuka ka vafi ti pindile kale, ve khuvekisa vamwani amu ka kukholwa.