Luka 22:17 - Bhiblia Yo Sawuleka

¹⁷ Se a to teka digombe, a txi bonga, a txi khene: “Tekani mi txi siyetisana ngu dona,

Luka 22:17 Referans Kwoze

Luka 22:19

Ngu konaho a to teka dipawu, se a di bongile, a to di bhanda, a txi va ninga, a txi khene: “Asiya i mmidi wangu wu no ningelwa ngu kota yanu; mahani tiya kasi ku ni alakanya ngu tona.”

Masalmo 116:13

Ni na guleta digombe dangu masoni ka Mkoma ni bonga makatekwa a kuhanyiswa!

Varoma 14:6

Awu a ti sawulelako ditshiku dokari, a di sawulela Mkoma. Awu a dyako sotshe, a dya ngu mhaka ya Mkoma, nguko a bonga Txizimu. Nene wu asi dyiko sotshe, kha si dyi ngu mhaka ya Mkoma, nene a bonga Txizimu ngu sona.

Luka 9:16

Jesu a to teka mapawu a mtxhanu ni sihaka sile sa simbidi, a txi gula maso a txi wona nzumani, a txi si katekisa, a txi si bhandelela, a txi si ningela ka vagondiswa, kasiku vona ve phakela dibutho;

Jeremiya 16:7

Kambe kha nga ho a no phamelwa m'baba wa txidilo, kasi ku mmalata ngu mhaka ya kufelwa; kambe kha na mbi hiwa dijingo do mthavelela ngu mhaka ya tate wakwe, mwendo mwamwakwe.

Dhewuteronome 8:10

U na ya mana sotshe, u txi dya u txi khura, kambe u na ya bonga Mkoma, Txizimu txako, ngu mhaka ya ditiko di da dinene a nga kuninga.

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

1 Samuwele 9:13

Ngako anu mi txi wulela didhoropani, mi na ya mmana a sanzi ku kwelela ka wukhalo wo guleka kuya dya; nguko vathu kha va na mbi dya an'ze atxi bwaka, nguko ngene a katekisako mhamba, se msana keto, avale vo rambwa va na dya. Kwelelani koko konkuwa, nyamsi mi na mmana.

Matewu 14:19

Ngu msana keto, a to gela vathu ti to ve khalahatshela ha mwasini. Se e teka mapawu ale a mtxhanu, ni sihaka simbidi, e guleta maso a txi wona nzumani, e si katekisa, a txi si bhandelela, ngu msana e si ningela ka vagondiswa, se vagondiswa ve si abanisela ka vathu.

Matewu 15:36

Ngako a di tekile mapawu yale ya mtxhanu ni mabidi ni sihaka sa kona, a to bonga a txi si bhandelela, a txi si ningela ka vagondiswa, se vona va to avela dibutho.

Matewu 26:26

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Marku 14:22

Mbimo yi va nga ti ha sakudyani, ene a to teka dipawu, a txi di katekisa, a txi di bhanda, a txi va ninga, a txi khene: “Tekani, asiya mmidi wangu.”

1 Vakorinto 10:16

Digombe da kukatekiswa, adi hi di katekisako, ina hi nga ku ti tshanganisa ni mnoha wa Kristu, kani? Ni dona dipawu di hi bhandako, hi nga kona kutshangana ni mmidi wa Kristu, kani?

1 Vakorinto 11:23

Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;