Luka 21:37 - Bhiblia Yo Sawuleka

³⁷ Ni mitshikari, Jesu a ti zumba a txi gondisa Dithepeleni, kambe ni wusiku a ti huma eya zumba mmangoni, awu wu dhanwako ku mbwa Olivheti.

Luka 21:37 Referans Kwoze

Luka 22:39

Konaho ene a to huma e tsula mmangoni ka Miolivha, ngu tolovelo yakwe. Se vagondiswa ve mu londisa.

Marku 11:19

Ku ti ngako di di swite, a to huma didhoropani.

Matewu 26:55

Sekoko Jesu a to khene ka dibutho: “Mi tela ku ta ni ñola mi di xomile matxhari ni migomba, nga no va dikhokhokho kani? Ditshiku ni ditshiku ni ti zumba hagari kwanu, ni gondisa Dithepeleni, aniko kha ma ni ñola.

Matewu 21:17

Msana keto, a to khukha a txi va siya, e huma didhoropani e tsula Bhetaniya, ahawa a nga ya otela kona.

Matewu 21:1

Ngako va di hafuhi ni Jerusalema, na se va di hokile Bhetfage, mmangoni ka Miolivha, Jesu a to ruma vambidi ka vagondiswa vakwe.

Mithumo 1:12

Sekoko va to khukha ka mmango, wu dhanwako ku mbwa Miolivha, awu wu ku hafuhi ni Jerusalema, mnava wa kudingana nzila ya ditshiku da Sabbata, se ve tshumelela Jerusalema.

Johani 12:1

Ngako ku di ngadi sate mtxhanu wa masiku ni dimwedo kasi ku nava Pasika, Jesu a to hoka Bhetaniya, ahawa a nga ti zumba kona Lazaro, awu a nga wuswa kufani ngu Jesu.

Luka 19:37

Se ngako a txi relela kuya dithekani ka mmango wa Miolivha, otshe mabutho a vagondiswa, ma ti ti dhumisa Txizimu ngu kutsaka, ngu dipswi do pfala, ngu mhaka ya sixamaliso si va nga si wona. Va txi kha vona:

Marku 11:12

Mangwanani ka kona, ngako va txi huma ngu Bhetaniya, ene a to pfa nzala.

Matewu 26:30

Msana ka kuva va di embelete mzeno, va to huma veya mmangoni ka Olivheti.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Marku 14:49

Otshe masiku ni ti kumweko ni nanu Dithepeleni, ni txi gondisa, kambe kha ma ni ñola; aniko se yi fanela kutatiseka Mibhalo.”

Luka 19:29

Mbimo yi va nga txi lava kuhoka Bhetfage ni Bhetaniya, hafuhi ka mmango wa Miolivha, Jesu a to rumela vambidi ka vagondiswa vakwe, a txi va gela ku khene:

Luka 19:47

Kambe vaphaxeli va hombe ni vabhali ni madhota a ditiko, va ti lava ku m'daya.

Johani 18:2

Judha awu a nga ti lava ku mningela, a ti wu ziva wukhalo wule, nguko Jesu a txi talisa kuya tshangana kona hale sikhati so tala ni vagondiswa vakwe.