Luka 21:3 - Bhiblia Yo Sawuleka

³ Se a txi khene: “Kha ditshuri, ni khani kwanu: Noni yiya ya txisiwana yi ningete kupala votshe.

Luka 21:3 Referans Kwoze

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Mithumo 10:34

Konaho Pedro a to khata kuwombawomba, a txi khene: “Kha ditshuri se na ti wona ti to Txizimu kha txi khedhi m'thu.

Mithumo 4:27

“Kha ditshuri va buthanile ka didhoropa diya Herodha ni Ponsio Pilato, ni vamatiko ni tixaka ta Israyeli, ve wukela txithumi txako txo sawuleka, awu u nga mu maha Mesiya.

Luka 12:44

Ngu ditshuri na mi gela ku khani, ene a nata txi maha muwoneleti wa silo sakwe.

Luka 9:27

Ni tsanisile ni khani kwanu: Va ho vamwani va nga ema kona hawa, ava va no mbi gweswa ngu lifo, va sinzi kuwona Mfumo wa Txizimu.”

Luka 4:25

Aniko kha ditshuri na mi gela kambe ti taku khani: Ka masiku a mprofeti Elija, ku ti ni tinoni to tala ditikoni ka Israyeli, mbimo yi nzuma yi nga sekwa, txipimo txa malembe mararu, ni mtxhanu wa mitxima ni wumwewo, ku txi tumbuluka paya ka dotshe ditiko.

Luka 21:2

A to wona ni wamsikati wa txisiwana, wa noni, a txi veka konamo simaleana simbidi.

Luka 21:4

Nguko votshe va va nga humisa msengo wa Txizimu, va tekile kutalelwani kwawe; kambe awuwa, atxi a nga txi ningela, a txi tekile wusiwanani kwakwe, i di sotshe si a nga ti khene a na hanya ngu sona.”