Luka 21:25 - Bhiblia Yo Sawuleka

²⁵ “Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Luka 21:25 Referans Kwoze

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Isaya 51:15

Nguko ani ngani Mkoma Txizimu txako, txi txi bhandako linene, ni kudhindisa mavimbi a lona. Mkoma wa Mabutho a Tiyimbi, ngu dona ditina dangu.

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Marku 13:24

“Ka masikuyo, msana ka kuxaniseka kuleya, ditambo di na maha txidema, mtxima wu na mbi woninga.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Masalmo 46:3

Hambi mavimbi ma txi dhinda ngu mtamo wa kuhenya ni kungako mimango yi txi dekadeka ngu kupekwa ngu mati.

Marku 15:33

Se ku di hokile txikhati txa wutxhanu ni tximwetxo, ku to phuma txidema ka dotshe ditiko kala ka txikhati txa wutxhanu ni mune.

Jeremiya 4:23

Ni woni mafu, ma si nga ni txiwumbeko ma si nga ni txilo; ni nzumani, ku si nga ni kuwonekela.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Isaya 17:12

Dikhombo ka dibutho da hombe da vathu vale va bhongako, nga ti ti bhongisako tona tinene, ni kudhuma ka matiko, ma dhumako kufana ni kudhuma ka mati o tala!

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Luka 21:26

Vathu va na tsivala ngu kuthava makhombo yawa ma no humelela ha ditikoni kotshe: Nguko mitamo ya nzumani yi na dekadekiswa.