Luka 21:18 - Bhiblia Yo Sawuleka

¹⁸ Aniko kha ku na mbi lova hambi msisi wumwewo wa ha msungoni kwanu.

Luka 21:18 Referans Kwoze

Matewu 10:30

Kasi anu, hambi ni misisi ya ha msungo kwanu yi batwe yotshe.

1 Samuwele 14:45

Kambe vathu va to kha vona ka Sawule: Ina Jonatani a na fa, ene wule a nga maha mthumo wa hombe wo hulukisa Israyeli kani? Ti nga maheke to nga eto. Hi xambanya ngu Mkoma a hanyako, u nga thuke u wisa hahatshi msisi ni wawumwewo dwe wa ha msungo kwakwe! Nguko Jonatani a mahile eto ni Txizimu nyamsi. Ngu kumaha keto, vathu va to hulukisa Jonatani, kasiku asi fi.

Mithumo 27:34

Na mi khongotela ti to mi dya sakudya, nguko ngu tona ti ti no mi hanyisa. Kha ku na mbi luzeka hambi i di msisi wumwewo wa ha msungo kwanu.”

Luka 12:7

Hambi misisi ya msungo wanu, yi batwe yotshe. Mi nga thaveni txilo, anu mi pala sindili so tala.”

2 Samuwele 14:11

Se wamsikati a to khene: Ni kombela ti to awe mfumeli u alakanya Mkoma, Txizimu txako, kasiku vawukeli va mnoha va si engeteli dikhombo diya ngu kudaya mwanana wangu. Sekoko mfumeli a to khene: A na hanye Mkoma, hambi msisi wawumwewo wa mwanana wako kha wu na mbi wa hahatshi.

1 Samuwele 25:29

Se ngako m'thu wokari a txo khukha e kututumisa, a txi lava ku kudaya, sekoko wutomi wako wu na sungwa ka nyanda ya vale va hanyako ka Mkoma, Txizimu txako; kambe wutomi wa valala vako wu na rinzwa kule, ku nga dirigwi do rinzwa ngu txibhalakaza.

Luka 21:17

Mi na vengelwa ngu votshe ngu mhaka ya ditina dangu.