Luka 21:11 - Bhiblia Yo Sawuleka

¹¹ Ku na humelela kuzinginikela ka hombe ka mafu, se ka makhalo amangi ku nava ni tinzala ni mitungu. Ku na humelela sidiwukiso so thisa, ni sikombiso sa hombe nzumani.

Luka 21:11 Referans Kwoze

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Joyeli 2:30

Kambe ni na kombisa sixamaliso nzumani ni ha mafuni, mnoha ni mndilo, ni tiphande ta wutshi.

Matewu 24:7

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.

Luka 21:10

Sekoko a to va gela ku khene: Lixaka li na wukela limwani lixaka, mfumo wu na wukela wumwani mfumo.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Jobe 41:9

Wona taku, kuduketa kwako ku na thidhela; ina ni wammweyo masoni ka yona, kha na kuwa kani?