Luka 21:1 - Bhiblia Yo Sawuleka

¹ Ngako Jesu a txi guleta maso, a to wona vanyatithombe, va txi thela miningelo yawe amu ka txiya txa msengo wa Dithepele.

Luka 21:1 Referans Kwoze

Johani 8:20

Mapswi awa a ma wombile a di ka wukhalo wa miningelo, na a txi gondisa Dithepeleni. Kambe kha ka nga va ni m'thu wu a nga mñola nguko txikhati txakwe txi ti sanzi kuhoka.

Matewu 27:6

Vaphaxeli va hombe, va di rolete male, va to kha vona: “Kha ti laveki ti to yi vekwa mkwamani ka miningelo, nguko i male yi yi nga xava mnoha.”

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

Nehemiya 13:13

Se ko xayisa timale, ni to veka Selemiya, mphaxeli, ni Zadhoki, mabhalani, ni Pedhaya, mmweyo wa Valevhi; kumweko ni Hanani, mwana Zakuri, mwana Mataniya; nguko va manekile va di thembekile, se va to rwekwa mthumo wo phakela vanawe.

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Joxuwa 6:19

Aniko yotshe silivhela, ni nzalama, ni siya sa txikete ni sa simbi, si lumba Mkoma; si na maha thomba ya Mkoma.”

1 Vafumeli 14:26

Se a to teka tithomba ta Nyumbani ka Mkoma, ni tithomba ta nyumbani ka mfumeli, kambe a to teka totshe, ni sotshe sitxhavangu sa nzalama, asi a nga ti si mahile Solomoni.

Joxuwa 6:24

Se va to hisa didhoropa ngu mndilo, ni sotshe si si nga ti ti ho ka dona, hahanze ka silivhela dwe, ni nzalama, ni siya sa txikete, ni sa simbi, va to si ningela si maha thomba Nyumbani ka Mkoma.

2 Vafumeli 12:9

Ngu kumaha keto mphaxeli Joyadha a to teka dibhokiso, e dola ditshoko aha ka txi fenengeto, e veka hafuhi ni txiluvelo, ngu didhawa da txinene ka vale va nga txi wulela Nyumbani ka Mkoma; se vaphaxeli vale va nga txi wonelela txike txa ditimba, va ti ti veka konemo male yile yi nga txi tiswa Nyumbani ka Mkoma.

Luka 20:47

Va handa tinyumbani ka tinoni, ve ti guleta ngu kumaha mikombelo yo lapha. Vonavo va nata lamulwa ngu kulamulwa ku kupindisako.”