Luka 20:36 - Bhiblia Yo Sawuleka

³⁶ Kha va na mbi ngadi ve fa, nguko vona va fana ni tingelozi. Vona mbanana va Txizimu, nguko mbanana va kuwuka ngu kufani.

Luka 20:36 Referans Kwoze

Mtuletelo 21:4

Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Vafilipiya 3:21

Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

Matewu 22:30

Nguko, kuwukani ka vakufa, vathu kha va na mbiswa ve teka hambi kutekwa; aniko va na fana ni tingelozi ta nzumani.”

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

1 Vakorinto 15:42

Kuwuka ka vafi ni kona ku na mahisa toneto: Kuphaywa mmidi wu wu sinako, ku txi wuka mmidi wu wu si siniko;

Mtuletelo 22:9

Kambe yi to ni tsimba yi txi kha yona: “Lambi! U nga mahe eto! Nani ni txithumi kufana ni nawe, ni vakakwanu, vaprofeti, ni kufana ni vale va veketako mapswi a dibhuku diya. Txizimu ngu txona u fanelako ku txi khozela!”

1 Vakorinto 15:26

Se mlala wo gwitisa a fanelako kufuviswa, ngu lifo.

Marku 12:25

Nguko ngako va txi na wuka ngu ka vafi, kha va na mbi ngadi ve teka, hambi i di kutekwa; se vathu va na va nga tingelozi nzumani.

1 Vakorinto 15:49

Ngako hi nga ningwa kuambala txifaniso txa m'thu wa mafu, hi na ningwa kambe kuambala txifaniso txa m'thu wule wa kuta ngu nzumani.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Varoma 8:16

Nguko ngu wona Moya wa Txizimu wupune wu hi fakazelako kumweko ni mimoya yathu, ti taku hi vanana va Txizimu.