Luka 20:34 - Bhiblia Yo Sawuleka

³⁴ Jesu a va xamute a txi khene: “Vathu va ha mafuni hawa, va teka ni kutekwa,

Luka 20:34 Referans Kwoze

Luka 16:8

Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”

Luka 17:27

Va ti ti dya, ve sela, ve teka ni kutekwa, ku txi za kuhoka ditshiku di Nowa a nga wulela ngalavani, se ndambi yi txi hoka, yi va daya votshelele.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Vaefesu 5:31

Ngu kota yeto, wamwamna a na siya tate wakwe ni mame wakwe, a txi namarela ka msikati wakwe, va txi maha nyama yimweyo ngu wumbidi wawe.

Matewu 12:32

Wuhi ni wuhi a wombawombako kubiha ngu Mwanana wa M'thu, a na divalelwa; aniko wuhi ni wuhi a wukelako Moya wo Sawuleka, kha na mbi divalelwa, hambi ka yiya mbimo, hambi ka mbimo yi yi tako.”

Luka 20:33

Sekoko, kuwukani ka vafi, awule wamsikati a na va i di msikati wa mani, eko ka votshe a nga va msikati wawe, kani?”