Luka 20:24 - Bhiblia Yo Sawuleka

²⁴ Ni kombeni male yimweyo. Njifananiso txa mani ni m'bhalo wa kona kani? Vona va to xamula va txi kha vona: “Nza Khezari.”

Luka 20:24 Referans Kwoze

Matewu 18:28

Aniko txithumi txiya, ngako txi di mani wammweyo wa txithumi kulowe, awuwa a nga ti ni mnandu ka txona wa dizana da madhenari, txi to mkama makolo, txi txi kha txona: Ni dihe male yangu!

Vafilipiya 4:22

Vasawuleki votshe va mi dingula, ngutu-ngutu ava i ku va nyumba ya Khezari.

Mithumo 26:32

Se Agripa a txi khene ka Festo: “M'thu wuwa a ndi na thuswa, idiku a sa kombela kulamulwa ngu Khezari.”

Mithumo 11:28

Mmweyo wawe, awu va ku i Agabho, a to khukha a txi ema, e profeta ngu Moya ti to nzala ya hombe yi na vaho ka dotshe ditiko. Kha ditshuri yi humelete kufumani ka Klawudhiyo.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Luka 20:22

Ina ha tumelwa kuningela mkhupo ka Khezari mwendo kha hi tumelwi kani?”

Luka 3:1

Ngu dilembe da wugumi ni mtxhanu da kufuma ka Tibheriyo Khezari, na Ponsio Pilato i di mfumeli wa Judheya, Herodha i di mfumeli wa Galileya, Filipi mnanda wakwe i di mfumeli wa Itureya, ni wa ditiko da Trakonita, Lisaniya i di mfumeli wa Abhileni;

Luka 2:1

Ka ale masiku, kuhumile mthetho wa Khezari Awugustu, wa bhalela ya dotshe ditiko.

Matewu 20:2

Se a di tumelelani ni sithumi ngu muholo wa didhenari dimwedo ngu ditshiku, a to va rumela thembweni kwakwe.

Matewu 22:20

Se Jesu a nje khene kwawe: “Mfananiso wuwa ni m'bhalo wuwa nza mani kani?”

Luka 20:23

A di woni wurindi wawe, a to khene kwawe: “Mi ni dukela txani kani?”

Luka 20:25

Sekoko a to khene kwawe: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Marku 12:16

Vona va to di neha. Se ene a txi khene kwawe: “Txifaniso txiya ni m'bhalo wuwa, nza mani kani?” Va txi kwakwe: “Nza Khezari.”