Luka 20:22 - Bhiblia Yo Sawuleka

²² Ina ha tumelwa kuningela mkhupo ka Khezari mwendo kha hi tumelwi kani?”

Luka 20:22 Referans Kwoze

Nehemiya 9:37

Ditiko da pfuna kambe mihando nja vafumeli vale u nga va veka txitimwi kwathu, ngu mhaka ya sionho sathu; va thuma kuranda kwawe txitimwi ka mimidi yathu ni txitimwi ka sifuyo sathu; se hi kuxanisekani ka hombe.

Mithumo 5:37

Msana kwakwe ku humelete Judha wa Galileya ngu mbimo ya bhalela, se e ndinda vathu votala ve mu londetela, kambe nene a lovile, ni va va nga txi ema nayo va hangalasilwe votshe.

Matewu 17:25

Ene a va xamute a txi khene: “Ina, wa humisa.” Mbimo yi a nga wulela nyumbani, Jesu a to thanga ene a txi khene ka Pedro: “U wona txani ngu mhaka yiya, awe Simoni, kani? Vafumeli va ha mafuni va sengisa ni kukhupisa vamani kani? Va khupisa vanana vawe, mwendo va khupisa vamatiko kani?”

Nehemiya 5:4

Kambe ku ti ni va va nga ti ti kha vona: Hi tekile male yi hi nga lomba, hambi male ya nduwo ya mfumeli, hi tsanisa ngu tithembwe tathu ni mivhinya yathu.

Ezra 9:7

Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

Ezra 4:13

Konkuwa a na ti zive mfumeli taku, ngako di txo aketwa didhoropa dile, maguma a dona me wuswa, kha va na mbi dihela madingano, i ku tiresa ni timbasani; se yi na hangalakisa toneto thomba ya mfumeli.

Dhewuteronome 17:15

ngu tona, u fanete ku ti emisela mfumeli wule a no va a di sawutwe ngu Mkoma, Txizimu txako; u na teka mmweyo wa vananu u txi mu emisa e maha mfumeli, masoni kwako. U na sikota kufumisa wa hahanze, i si nga wule i ku wa ka kwanu.

Luka 20:21

Se va to mu wotisa, va txi kha vona: “M'gondisi, ha tiziva ti to wa womba-womba ni kugondisa kha kwati ni kululamisa, kambe khu woni ngu khohe ya m'thu, aniko u gondisa nzila ya Txizimu ngu ditshuri.

Luka 20:23

A di woni wurindi wawe, a to khene kwawe: “Mi ni dukela txani kani?”

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Varoma 13:7

Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.