Luka 20:20 - Bhiblia Yo Sawuleka

²⁰ Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Luka 20:20 Referans Kwoze

Luka 11:54

Ve mu riyela kasiku mwendo va nga mñola ngu mapswi a kuwombwa ngu txisofu txakwe.

Matewu 27:2

Se va di mu sungile mawoko, va to mu heleketa veya mningela ka mfumeli Pilato.

Jeremiya 11:19

Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.

Masalmo 81:15

Ava va nyenyako Mkoma, va ndi na wiswa hahatshi masoni kwakwe ku abaniswa kwawe ku ndi nava ka malembe ni malembe.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Luka 20:26

Se kha va sikota ku m'bzweta ngu mapswi dipswi dokari masoni ka vathu; va to xamala xamulo yakwe, va so kaye.

Marku 3:2

Se vona va ti mu wonetela ngu kulava kuziva ti to mwendo a na mu hanyisa, kufela kuve sikota ku mu mangalela.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

2 Samuwele 14:2

a to rumela vathu veya Tekowa, kuya teka wamsikati wa wutxhari, a txi ta khene kwakwe: Ti mahise u txi nga u to felwa; ambala syambalo sa mizila, u nga tole mafura, mahisa ku nga wamsikati wule a ku ni masiku amangi ni mizila ngu mhaka ya kufelwa.

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Luka 20:21

Se va to mu wotisa, va txi kha vona: “M'gondisi, ha tiziva ti to wa womba-womba ni kugondisa kha kwati ni kululamisa, kambe khu woni ngu khohe ya m'thu, aniko u gondisa nzila ya Txizimu ngu ditshuri.