Luka 20:16 - Bhiblia Yo Sawuleka

¹⁶ A nata, a ta dayela vadimi vale e ningela thembwe ya mivhinya ka vamwani.” Ngako vona va txi pfa tiya, va to kha vona: “Ti nga thuke ti maheka timhaketo.”

Luka 20:16 Referans Kwoze

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Matewu 21:41

Vona va to angula va txi kha vona: “A na va fuvisa vathuvo vo biha, senikoko a na ningela thembwe ya mivhinya ka vamwani vadimi, ava va na ku mu wuyisela mihando yakwe ngu nyango yi yi lavekako.”

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Matewu 21:34

Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Marku 12:9

Nyamne wa thembwe a na maha txani kani? A nata a ta fuvisa vadimi, se thembwe ya mivhinya a na yi ningela ka vamwani.

Luka 20:15

Se va to mu humisa hahanze ka thembwe, ve m'daya. Nyamne wa thembwe a na maha txani kani?

Varoma 3:4

Lambi! Txizimu txi fanete kumaneka i di txa ditshuri, hambi votshe vathu ve maneka i di va makuhu, nga hawa ku nga bhalwa, va txi kha vona: “U fanete kuziwa ti to u lulamile ka mapswi ako, ni kumaneka u si nga ni mnandu, mbimo yi u no yiswa kulamulwani.”

Varoma 3:6

Txima hi nga tona! Nguko, ngako i di toneto, Txizimu txi ndi na lamulisa kutxani ditiko kani?

Varoma 3:31

Se ina ho fuvisa mlayo ngu mhaka ya kukholwa kani? Lambi! Aniko ho tsanisa mlayo.

Varoma 6:2

Lambi! Akuwa athu hi nga fa ngu didhawa da txionho, se hi nga hanyela txani kambe txionhoni kani?

Varoma 6:15

Hi na txani kani? Ina hi na onha, akuwa hi ku si nga hahatshi ka mlayo, kambe hi ku hahatshi ka kateko kani?

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Varoma 7:13

Se, atxi i ku txa txinene, ina txa sikota ku ni vangela lifo kani? Lambi! Txionho ngu txona txi nga ni vangela kufa: Ngu kutiwonekisa nga txilo txa txinene, txi ni date kasiku txi ti kombisa ku njionho, na txi txi ti humelelisa ngu wotshe mtamo wa txona ngu mhaka ya mthetho.

Varoma 9:14

Se hi na khathu txani kani? Ina hi na khathu Txizimu kha txa lulama kani? Lambi!

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Varoma 11:11

Se na wotisa: Ina va ka Israyeli va nga va va di humbetwe kuwa ka magwito kani? Aniko ngu mhaka ya kuwa kwawe, vamatiko va mani kuhanyiswa kasi kuvhuka txiluse txa va ka Israyeli.

1 Vakorinto 6:15

Ina kha mi tizivi ti to mimidi yanu nzihango sa Kristu kani? Ina ni na teka txihango txa Kristu ni txi ningela ka digelegele kani? Lambi!

Vagalatiya 2:17

Se, ngako athu hi lavako kumana wululami ngu ka Kristu, hi txi maneka hi di vaonhi, tikomba ti to Kristu ina i muemeli wa txionho kani? Lambi!

Vagalatiya 3:21

Ngako i di toneto, Mlayo wu lwa ni sithembiso sa Txizimu kani? Lambi! Nguko, idiku ku ti ko ningwa mlayo vathu, awu wu sikotako kuhanyisa, kunene vathu va ndi na maha valulami ngu kuvekisa mlayo.

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.