Luka 20:1 - Bhiblia Yo Sawuleka

¹ Ngu ditshiku dokari, ku ti ngako a txi gondisa vathu Dithepeleni ni kutxhumayela vathu Evhangeli, vaphaxeli va hombe ni vabhali va to ti wonekisa kwakwe kumweko ni madhota a ditiko,

Luka 20:1 Referans Kwoze

Mithumo 6:12

Ngu toneto, va wusile vathu, ni madhota ni vabhali, se va to mu tela ngu txidhukisa, va ta mñola, ve mu yisa banzani ka wukoma.

Mithumo 4:1

Ngako Pedro ni Johani va di ngadi va txi womba-womba ni vathu, ku to bwaka vaphaxeli ni nduna ya Dithepele ni Vasadhusi;

Johani 18:20

Jesu a to mu xamula a txi khene: “Mahungu angu ni ma wombete ha kubasani, ditikoni muwa. Ni khala ni txi gondisa yotshe mbimo masinagogani ni Dithepeleni, ahawa va tshanganelako kona votshe Vajudha, txi walo ni txa tximwetxo ni nga womba ngu malengo.

Luka 8:1

Msana ka toneto, ene a ti tsimbila madhoropani ni mu mitini a txi txhumayela ni kunuwela Evhangeli ya Mfumo wa Txizimu.

Matewu 26:55

Sekoko Jesu a to khene ka dibutho: “Mi tela ku ta ni ñola mi di xomile matxhari ni migomba, nga no va dikhokhokho kani? Ditshiku ni ditshiku ni ti zumba hagari kwanu, ni gondisa Dithepeleni, aniko kha ma ni ñola.

Luka 20:2

va txi kha vona: “Hi nga hi gela mtamo wu u mahako tiya ngu wona, ni ti to awu a nga kuninga mtamo wuwa i mani kani?”