Luka 2:9 - Bhiblia Yo Sawuleka

⁹ Ngelozi ya Mkoma yi to woneka hafuhi kwawe, se kuphatima ka Mkoma ku txi va randela, se vona ve khata kutelwa ngu dizowa.

Luka 2:9 Referans Kwoze

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

2 Vakorinto 3:18

Athu hotshethu hi wonako kuphatima ka Mkoma ngu maso o mbi fenengetwa, hi txi wonekisa kuphatima ka Mkoma kufana ni txibuko, hi txi hunduluswa hi fana nayo, hi longoloka ngu kuphatima kumweko ni kwakwe, aku ku engetelwako ngu mtamo wakwe Mkoma, i ku Moya.

Mtuletelo 18:1

Msana ka tiya, ni to wona yimwani ngelozi yi txhika ngu nzumani; yi ti ni mtamo wa hombe, se mafu me woningwa ngu wudhumo wa yona.

Mithumo 27:23

Nguko ka wona wusiku wuwa, Ngelozi ya Txizimu, atxi ani ni lumbako txona, atxi ni txi thumelako, yi ti wonekisile kwangu, wusiku wuwa,

1 Vafumeli 8:11

Se vaphaxeli va si dingani kuthuma va di emile, ngu mhaka ya direfu, nguko kuphatima ka Mkoma ku ti tatile Nyumba ya Mkoma.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Johani 12:41

Isaya a wombile mapswi awa, nguko a woni kuphatima kwakwe, se e womba-womba ngu ngene.

Luka 24:4

Se, va di ngadi va txi xamala ngu tona, hingani wona: Vavamna va vambidi va to humelela kwawe, va di ni tinguwo to phatima.

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Vahebheru 12:21

Kha ditshuri, mhaka yiya i ti yo thisa ngutu, ahawa Mosi a nga za a txi womba ku khene: “Na dhudhumela ngu kuthava,”

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Mithumo 12:7

Kunukunuko Ngelozi ya Mkoma yi to woneka, se kukhanya ku txi woninga nyumbani. Se ngelozi yi to gwesa Pedro, ha didhawa, yi mu wusa yi txi kha yona: “Kuluveta u txi khukha!” Se titxhini ti nje kuwa ngu manzani kwakwe.

Luka 1:28

Se, ngako ngelozi yi di wulete ahawa ene a nga ti kona, yi to kha yona: “Xewe, awe wo kateka, Mkoma ana ni nawe.”

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Ezekhiyele 3:23

Se ni to khukha ni tsula mkovani, wona taku koneyo ku ti ni wudhundo wa Mkoma, wo fana ni wudhundo wule ni nga wu wona hafuni ni mnambo wa Kebhari; se ni to wa ngu khohe.

Isaya 40:5

Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Luka 2:8

Ka ditiko dile, va ti ti ho vadyisi, va nga ti zumba bhuwani, va txi xayisa sifuyo sawe ni wusiku.