Luka 2:47 - Bhiblia Yo Sawuleka

⁴⁷ Votshe vale va nga txi mu engisa va to xamala ta tinene ngu wuzivi wakwe ni tixamulo takwe.

Luka 2:47 Referans Kwoze

Matewu 7:28

Mbimo yi Jesu a nga gwita kuwombawomba timhaka tiya, mabutho ma to xamala ngutu ngu kugondisa kwakwe.

Luka 4:32

Vona va ti xamala ngu kugondisa kwakwe, nguko dipswi dakwe di ti ni mtamo.

Masalmo 119:99

Na pimisa ngutu kupinda votshe vagondisi vangu, nguko ni zumba ni txi alakanya ngutu sileleto sako.

Johani 7:15

Se Vajudha ve xamala, va txi kha vona: “Awuwa a yi zivisa kutxani Mibhalo, kuve kha gonda kani?”

Marku 1:22

Kambe va ti xamala ngu gondo yakwe, nguko a ti va gondisa nga wu a ku ni mtamo, asi fanani ni vabhali.

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Matewu 13:54

Se a di hokile ditikoni kwawe, a ti gondisa masinagogani kwawe, ahawa koza ve xamala, va txi kha vona: “Ene a kumana hani kuziva kuwa ni sidiwukiso siya kani?

Matewu 22:33

Se vathu va txi mu engisa, va to xamala ngu kugondisa kwakwe.

Marku 6:2

Ngako di di hokile ditshiku da Sabbata, a to khata kugondisa disinagogani, se vathu votala, va nga mu engisa, va to xamala va txi kha vona: “Timhaka tiya a ti mana hani? Mbuzivi muni wona wuwa a nga ningwa ni sixamaliso si si mahwako ngu manza akwe, kani?

Marku 11:18

Kambe vaphaxeli va hombe ni vabhali, ngako ve mu pfa na a txi womba tiya, va to lava marindi ya tiya va no m'dayisa tona, kambe va to mu thava, nguko dibutho dotshe di ti xamala ngu kugondisa kwakwe.

Luka 2:46

Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Luka 2:18

Se ava va nga tiengisa, ve xamala ngutu ngu totshe tile va nga gelwa ngu vadyisi.