Luka 2:46 - Bhiblia Yo Sawuleka

⁴⁶ Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Luka 2:46 Referans Kwoze

Luka 5:17

Ka dinwane ditshiku, Jesu a ti gondisa; Vafarisi ni vagondisi va Mlayo, va kuta ngu ka otshe madhoropa a Galileya ni Judheya ni Jerusalema, va ti ti ho konaho. Se mtamo wa Mkoma wu ti ni nene kasi kuhanyisa.

Mithumo 5:34

Kambe mfarisi wokari, awu va ku i Gamaliyeli, m'gondisi wa mlayo, awu kambe a dhumiswako ngu dotshe ditiko, a to khukha a txi ema hagari ka dibanza e rumela ku Vapostoli va na humiswe hahanze ngu mbimoanyana.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

1 Vafumeli 12:12

Sekoko Jerobhowamu a tile ni votshe vathu ka Robhowamu, ngu ditshiku da wuraru, ku nga tile mfumeli a nga ti wombile a txi khene: Wuyani kwangu ngu ditshiku da wuraru.

1 Vafumeli 12:5

Se ene a va gete ku khene: Tsulani, ngu ditshiku da wuraru mi na wuya kwangu. Se vathu va to tsula.

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Luka 2:47

Votshe vale va nga txi mu engisa va to xamala ta tinene ngu wuzivi wakwe ni tixamulo takwe.

Johani 3:10

Jesu a to mu xamula a txi khene: “Awe u m'gondisi wa Israyeli, se khu ti zivi timhaka tiya kani?

1 Timoti 1:7

va navela kumaha vagondisi va mlayo, na kasi kha va ti zivi ni ti va wombako hambi ni ti va xambanyako ti to va tsani ka tona.