Luka 2:41 - Bhiblia Yo Sawuleka

⁴¹ Vaveleki va Jesu va ti ti ya otshe malembe Jerusalema, ngu mbimo ya M'buso wa Pasika.

Luka 2:41 Referans Kwoze

Dhewuteronome 12:18

Awe u na si dyela masoni ka Mkoma, Txizimu txako, ka wukhalo wu Mkoma, Txizimu txako, a no wu sawula, awe ni mwanana wako wa dijaha ni wa dihorana, khumbi yako ya wamwamna ni ya wamsikati, ni Mulevhi wu a zumbako kumweko ni nawe. Kambe u na tsaka masoni ka Mkoma, Txizimu txako, ngu yotshe mithumo ya manza ako.

Johani 2:13

Pasika ya Vajudha yi ti hafuhi, se Jesu a to kwela Jerusalema.

1 Samuwele 1:21

Se wamwamna wule Elikana a to kwelela ni yotshe gamu yakwe, kuya maha mhamba ya dilembe ni dilembe ka Mkoma, ni kuya tatisa txixambanyo txakwe.

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Mitengo 28:16

Aniko ka mtxima wo khata, ka ditshiku da digumi ni mune ka mtxima, i Pasika ya Mkoma.

Levhi 23:5

Ka mtxima wo khata, ka ditshiku da digumi ni mune ka mtxima, ni minova, i Pasika ya Mkoma;

Eksodha 34:23

Vathu votshe vavamna va ku hagari kwako va na ti wonekisa ka Mkoma Txizimu, Txizimu txa ka Israyeli;

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 11:55

Pasika ya Vajudha yi ti hafuhi, se vathu votala va to kwela veya Jerusalema, kuya ti basisa, na Pasika yi sanzi kuhoka.

Johani 6:4

Yi ti hafuhi Pasika, i ku M'buso wa Vajudha.

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

Luka 2:42

Se mbimo yi a ngava ni tanga ya digumi da malembe ni mambidi, va to kwela va txi ya kona Jerusalema, madingano ni toloveto ya masiku a M'buso.