Luka 2:40 - Bhiblia Yo Sawuleka

⁴⁰ Mwanana a txi kula ni kumana mtamo, na a di tate ngu wutxhari; ani kateko ya Txizimu yi ti ti ni nene.

Luka 2:40 Referans Kwoze

Luka 2:52

Se Jesu a ti kula mu ka wuzivi ni ka txiemo ni mu ka kateko, masoni ka Txizimu ni ka vathu.

Luka 1:80

Se mwanana a ti ti kula, a txi mana mtamo moyani. Se a ti zumba txiwulani kala ditshiku da kutiwonekisa kwakwe ka Israyeli.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

1 Samuwele 2:26

Se mfana Samuwele a to kula a txi tsakelwa ngu Mkoma ni vathu.

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

Luka 2:47

Votshe vale va nga txi mu engisa va to xamala ta tinene ngu wuzivi wakwe ni tixamulo takwe.

Masalmo 22:9

Awe u ni xayisile kukhukhela mndani ka mame wangu u txi ni veka ni xayiseka manzani kwakwe.

1 Samuwele 2:18

Aniko Samuwele a txi thuma masoni ka Mkoma, na i di ngadi mfana, adi ambate efodhe ya linyu.

Valamuli 13:24

Msana keto, awu wamsikati a to veleka mwanana wa mfana, a txi mraya ditina daku i Samusoni; aniko mfana a to kula, se Mkoma a txi mkatekisa.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Mithumo 4:33

Vapostoli va txi fakazela kuwuka ka Mkoma Jesu ngu mtamo wa hombe, ka votshe ku ti ti ni kateko ya hombe.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

1 Samuwele 2:21

Mkoma koko a to katekisa Ana, se e mana txirumbu e veleka vanana vararu va vafana ni vanana vambidi vamahorana; se mfana Samuwele a ti kula masoni ka Mkoma.