Luka 2:4 - Bhiblia Yo Sawuleka

⁴ Josefa nene a to khukha ngu Galileya, ka didhoropa da Nazareta, e kwela eya Judheya, ka didhoropa da Dhavhidha, di dhanwako ku i Bhetlehema, nguko i nga ti wa nyumba ya lixaka la Dhavhidha;

Luka 2:4 Referans Kwoze

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Johani 7:42

Ina Mibhalo kha yi wombi ti to Mesiya a na huma ka lixaka la Dhavhidha, a txi velekelwa Bhetlehema, didhoropa di Dhavhidha, a nga tumbuluka ka dona, kani?”

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Luka 4:16

Ene a to tsula Nazareta, ahawa a nga kulela kona, se ngu toloveto yakwe, a to wulela disinagogani ngu ditshiku da Sabbata, se a txi khukha a txi ema kasi kugonda dibhuku.

Matewu 2:23

eya aka ka didhoropa di di dhanwako ku i Nazareta ahawa a nga ya zumba kona, kasi kutatiseka ati ti nga wombwa ngu vaprofeti va txi kha vona: “A na dhanwa ku i Munazareta.”

1 Samuwele 20:6

Se ngako tate wako a txi wotisa ngu kupwateka kwangu, u na khawe: Dhavhidha a ni kombete ngutu ti to ni mtumelela ku e tutuma eya Bhetlehema, didhoropani kwawe; ngu ku kumahwako kheyo mphaxo wa dilembe ni dilembe wa lixaka lakwe.

Rute 4:17

Se vaakelani vakwe va txisikati va to mraya ditina, va txi kha vona: “Nowemi a veleketwe mwanana wa m'zambi.” Se ditina dakwe va to m'dhana ku i Obhedhi. Awuwa i tate wa Jese, tate wa Dhavhidha.

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Rute 2:4

Se wona taku Bhowazi a to ta ngu Bhetlehema, a txi ta womba ka vaeluli a txi khene: “Mkoma a nave ni nanu!” Se vona va to mxamula ku kha vona: “Mkoma a na ku katekise!”

Johani 1:46

Nathaniyele a txi khene kwakwe: “Ina txilo txa txinene txi nga huma ngu Nazareta kani?” Filipi a txi khene kwakwe: “Ngono u ta ti wona.”

1 Samuwele 17:58

Se Sawule a to khene kwakwe: Mfanawe, u mwana mani kani? Se Dhavhidha a to khene: Ni mwana txithumi txako Jese, wa Bhetlehema.

1 Samuwele 17:12

Se Dhavhidha i ti ti mwanana wa wamwamna wokari wa Efrata, ka Bhetlehema wa Judha, awu ditina dakwe i nga ti ti Jese, a nga ti ti ni mtxhanu wa vanana ni vararu; se ka masiku a Sawule wamwamna wuwa a ti kumbile, i ti wa tanga ya hombe hagari ka vathu.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

Rute 1:19

Ngu kumaha keto koko, va to tsula ngu wumbidi wawe, kala veya hoka Bhetlehema. Se ku to maheka taku, mbimo yile va nga txi wulela Bhetlehema, dotshe didhoropa di to xamala ngu mhaka yawe, va txi kha vona: “Ina hi nga Nowemi wuwa kani?”

Genesisi 48:7

Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.

Genesisi 35:19

Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Luka 2:3

Se va ti ti ya bhalelani, m'thu ni m'thu didhoropani kwawe.

Luka 2:5

Kasi kuya ti bhalisa kumweko ni Mariya, msikati wakwe, awu a nga ti ni txirumbu.