Luka 2:37 - Bhiblia Yo Sawuleka

³⁷ A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Luka 2:37 Referans Kwoze

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Masalmo 23:6

Kha ditshuri, wunene wako ni lirando lako si na va ni nani ka otshe masiku a kuhanya kwangu. Ni na zumba nyumbani ka, Mkoma, kala kupinduka.

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Mithumo 13:3

Sekoko ngako va di gwitile kutitona sakudya ni kukhongela, va to va sanzeka manza ve va ruma.

Mithumo 26:7

i ku txithembiso txi tihunzu tathu ta digumi ni timbidi ti verelako ku txi mana, na ti txi khutalela kukhozela Txizimu wusiku ni mitshikari. Mfumeli Agripa, ni mangalelwa ngu Vajudha ngu mhaka ya txona txithembiso txiya.

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

Mtuletelo 7:15

Ngu toneto, va maneka masoni ka txikhalo txa wukoma txa Txizimu, va txi txi khozela wusiku ni mitshikari, Dithepeleni ka txona. Awule a nga khalahatsha ha txikhaloni ka wukoma a na va fenengeta ngu ditenda dakwe.

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Luka 5:33

Se va txi kha vona kwakwe: “Vagondiswa va Johani va ti tona sakudya sikhati sasingi, va txi maha ni mikombelo; vagondiswa va Vafarisi ni vona va mahisa toneto. Kasi vagondiswa vako vadya ve sela.”

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

Masalmo 84:4

Va katekile vale va zumbako nyumbani kwako va ku dhumisako yotshe mbimo.

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Eksodha 38:8

A to maha mkamba wa koporo, ni txipande txa kona txa koporo, ngu sibuko sa vavasikati vale va nga ti thuma ha txikeni ka ditenda da msengeletano.

Masalmo 92:13

Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.