Luka 2:34 - Bhiblia Yo Sawuleka

³⁴ Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Luka 2:34 Referans Kwoze

1 Vakorinto 1:23

Aniko athu hi txhumayela timhaka ta Kristu, awu a nga bethelwa ha txihambanoni, awu i ku txikhuvekiso ka Vajudha, a mahwako txipumbu ngu vamatiko;

Matewu 21:44

[Awule a no wela txitimwi ka dirigwi diya a na bhandekela e khatukela; awule a no welwa ngu dona, a na phwaraselwa.”]

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

Vahebheru 7:7

Ku walo kukanakana ka ti to m'dotho a katekiswa ngu wa hombe.

Varoma 9:32

Ngu txani kani? Nguko kha va wu lava ngu kukholwa, aniko va to wu lava ngu mithumo. Va humbilwe ngu dirigwi da txikhuvekiso,

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Mithumo 17:6

Se ngako va di va pwati, va to ruruvisa Jasoni ni vanawe vokari, ve va yisa masoni ka tinduna ta didhoropa, veya kwangula va txi kha vona: “Vathu va va nga wusa vhilinganya ka dotshe ditiko va hokile ni kona muwa kwathu,

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Mithumo 4:26

Vafumeli va mafu va xomile ni tinduna ti buthanile, kasi kulwa ni Mkoma ni Kristu wakwe.’ ”

Johani 5:18

Ngu toneto, va to xota ku m'daya, i si nga ngu mhaka ya kundaka mlayo wa Sabbata dwe, aniko ngutu-ngutu ngu kuwa a nga khene Txizimu i Tate wakwe ngu wutumbu, e ti dinganisa ni Txizimu.

Johani 3:20

Nguko wuhi ni wuhi a mahako kubiha a nyenyana ni kuwonekela, kambe kha ti kuwonekelani, kufela ku mithumo yakwe yi si landulwi.

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Eksodha 39:43

Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.

Genesisi 47:7

Se Josefa a to tisa tate wakwe, e ta mkombekisa ka Faro, Jakobe a to losa Faro.

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Mithumo 28:22

Se hi lava kupfa ngu ngawe ati u pimisako tona, nguko i di gondo yiya, ha tiziva ti to ya lambwa ngu votshe vathu.”

1 Samuwele 2:20

Se Eli a to katekisa Elikana ni msikati wakwe, a txi khene: Mkoma a na ku ninge mbewu ngu ka msikati wuwa, ngu mhaka ya txikombelo txile a nga txi maha ka Mkoma. Se va to tshumelela ka wukhalo wawe.

Luka 2:35

Nanawe nje, ditxhari di na thola muhefemulo wako, kufela ku yi txi humeleliswa mialakanyo yi yi ku timbiluni ka vavangi.”