Luka 2:17 - Bhiblia Yo Sawuleka

¹⁷ Mbimo yi va nga mu wona, va to txhamusela ati va nga gelwa ngu mhaka ya Mwanana wule.

Luka 2:17 Referans Kwoze

Luka 8:39

“Tshumelela ka va ka kwanu, u txi ya xawutela totshe ti Txizimu txi nga ku mahela tona.” Se ene a to tsimbila ka dotshe didhoropa e huwelela totshe ti Jesu a nga mmahela tona.

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Luka 2:38

Nene a to bwaka ka txonetxo txikhati, a txi dhumisa Txizimu ni kuxawutela timhaka ta Mwanana ka votshe vale va nga txi verela kuhulukiswa ka Jerusalema.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Luka 2:16

Va to tsula ngu kukuluveta, veya mana Mariya ni Josefa, ni Mwanana, a nga ti otelisilwe mkawuni.

Luka 2:18

Se ava va nga tiengisa, ve xamala ngutu ngu totshe tile va nga gelwa ngu vadyisi.