Luka 2:15 - Bhiblia Yo Sawuleka

¹⁵ Txikhati txi tingelozi ti nga siya vadyisi, ti txi konama nzumani, vadyisi va to gelana va txi kha vona: “He tsimbileni Bhetlehema, hi txi ya wona ati ti nga maheka, ati Mkoma a nga hi zivisa tona.”

Luka 2:15 Referans Kwoze

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Masalmo 111:2

Mithumo ya Mkoma nja hombe yi lawako ngu votshe vale va manako kutsaka ka yona.

Luka 24:51

Mbimo yi a nga txi va katekisa, a to va siya, a txi guleka a txi ya txitimwi.

2 Vafumeli 2:11

Se mbimo yile va nga txi tsimbila na va txi bhula, ku to humelela txikotxikani txa mndilo ni mahantxhi a mndilo, si txi va dhawukanisa, se Elija a kwelisileto nzumani, ngu mu ka txihuhuri.

2 Vafumeli 2:1

Ku to maheka taku mbimo yile Mkoma a nga lava kugula Elija ngu txivhunguvhungwani eya nzumani, Elija a to khukha Giligali kumweko ni Elizewu.

Eksodha 3:3

Se Mosi a to khene: “Na nga tenderuka, ni txi wona txiwoniso txiya txo xamalisa: Ngu kutxani txipopo txi si hyiko txi tshokoma kani?”

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Luka 2:16

Va to tsula ngu kukuluveta, veya mana Mariya ni Josefa, ni Mwanana, a nga ti otelisilwe mkawuni.