Luka 2:13 - Bhiblia Yo Sawuleka

¹³ Kunukunuko dibutho da yimbi ya nzumani di to patana ni ngelozi, ve dhumisa Txizimu, va txi kha vona:

Luka 2:13 Referans Kwoze

Mtuletelo 5:11

Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Masalmo 148:2

Mu dhumiseni, motshenu tingelozi takwe; mu dhumiseni, motshenu sivangwa sa nzumani!

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

Jobe 38:7

mbimo yile tinyeleti ta wuronga ti nga patana ti embelela, na votshe vanana va Txizimu va txi tsaka ngutu kani?

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Genesisi 28:12

Se a to lora a txi wona dinera di nga emiswa ha mafuni, di txi ya khigetela nzumani, ngu tshokani ka dona, se tingelozi ta Txizimu ti txi kwela ni kutxhika ngu dona.

Ezekhiyele 3:12

Se Moya wu to ni gula, nipfa dipswi msana kwangu, da kubhonga ngutu, di txi kha dona: Wu na kateke wudhumo wa Mkoma, ha wukhaloni kwakwe.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Luka 2:12

Txikombiso txa kona ngu txiya: Mi na ya mana Mwanana a di fenengetetwe ngu tinguwo, e oteliswa mkawuni.”

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”