Luka 2:11 - Bhiblia Yo Sawuleka

¹¹ Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Luka 2:11 Referans Kwoze

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

Vafilipiya 2:11

se totshe tidimi ti fanela kuhuwelela ti to Jesu Kristu ngene i ku Mkoma kasi ku na dhumiswa Txizimu Tate.

Johani 4:42

Se va to womba ka wule wamsikati va txi kha vona: “Se athu hi nga ngadi i di mapswi ako, ma hi ningako kukholwa, aniko ngathu hipune hi ti engisako ni ku tiziva ti to Ene ngene Muhanyisi wa Ditiko.”

Luka 2:4

Josefa nene a to khukha ngu Galileya, ka didhoropa da Nazareta, e kwela eya Judheya, ka didhoropa da Dhavhidha, di dhanwako ku i Bhetlehema, nguko i nga ti wa nyumba ya lixaka la Dhavhidha;

Matewu 1:16

Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

1 Vakorinto 15:47

M'thu wo khata a nga wumbwa ngu mafu, mbwa mafu; m'thu wa wumbidi a ta ngu nzumani.

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

1 Johani 4:14

Se athu hi ti woni, kambe ha fakaza ti to Tate a rumete Mwanana wakwe ku ta maha Muhanyisi wa ditiko.

Johani 1:45

Filipi a to mana Nathaniyele, a txi khene kwakwe: “Hi mmani wule Mosi a nga bhala timhaka takwe Mlayoni, ni Vaprofeti ni vona va bhate: I Jesu wa Nazareta, Mwana Josefa.”

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Johani 6:69

Ngu toneto, athu ha tumela ni ku tiziva ti to awe u Msawuleki wa Txizimu.”

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Matewu 16:20

Ngu msana a to laya vagondiswa ti to va si geli m'thu ni wammweyo taku ene i Mesiya.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Vakolosa 2:6

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo;

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Johani 11:27

Ene a to khene: “Ina, Mkoma, na kholwa ti to awe ngawe Mesiya, Mwanana wa Txizimu, awu a nga ti fanekela kuta ha ditikoni.”

Johani 7:41

Vamwani va txi kha vona: “Awuwa i Mesiya.” Aniko vamwani va ti ti kha vona: “Ina Mesiya a nga huma ngu Galileya kani?

Luka 2:26

A wonisilwe ngu wona Moya wo Sawuleka ti to kha na mbi fa a sanzi kuwona Mesiya wa Mkoma. Ene a to yiswa Dithepeleni ngu Moya wo Sawuleka.

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Johani 4:25

Wamsikati a to engeta a txi khene: “Na tiziva ti to wata Mesiya, awu a dhanwako ku i Kristu, se a di tile, Ene a nata hi gondisa totshe.”

Mithumo 13:23

Ngu ka lihunzu lakwe Txizimu txi humisile Jesu, Muhanyisi wa vanana va ka Israyeli, nga ti txi nga ti thembisile tona.