Luka 2:10 - Bhiblia Yo Sawuleka

¹⁰ Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Luka 2:10 Referans Kwoze

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Isaya 52:7

Hi nga kutshura ka yona txitimwi ka mimango mikondo ya wu a zivisako mahungu amanene, a wu a huwelelako kudikha, a zivisako wunene, a pfalisako kuhanyisa, a ku khene ka Siyoni: “Txizimu txako txa fuma.”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Matewu 14:27

Ka txonetxo txikhati, Jesu a to va angula a txi khene: “Tsanani misana, ngani, mi nga thaveni txilo!”

Luka 1:30

Se ngelozi yi wombile kwakwe yi txi kha yona: “Mariya, u nga thave, nguko u mani dithomo masoni ka Txizimu;

Isaya 41:27

Ani ngani ni no khata ni txi khani ka Siyoni: Wona taku vaho hale! Ni ka Jerusalema ni na ninga m'zivisi wa mahungu amanene.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Mithumo 13:32

“Nanathu ha mi zivisa mahungu awa amanene: Txithembiso txi txi nga mahwa ka vatate vathu.

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Luka 8:1

Msana ka toneto, ene a ti tsimbila madhoropani ni mu mitini a txi txhumayela ni kunuwela Evhangeli ya Mfumo wa Txizimu.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Varoma 10:15

Va na txhumayelisa kutxani, ngako va sa rumwa kani? Nga ti ti nga bhalwa taku: “Eto yi nga tshurisa tona mikondo ya vale va txhumayelako mahungu amanene!”

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.