Luka 19:6 - Bhiblia Yo Sawuleka

⁶ Se ene a to txhika ngu txikuluveta, a txi mu amukela ngu kutsaka.

Luka 19:6 Referans Kwoze

Luka 5:29

Se Levhi a to mmahela m'buso wa hombe nyumbani kwakwe; kambe ku ti ni dibutho da hombe da vakhupisi ni vamwani va nga ti navo ha mezani.

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Luka 2:16

Va to tsula ngu kukuluveta, veya mana Mariya ni Josefa, ni Mwanana, a nga ti otelisilwe mkawuni.

Luka 19:5

Mbimo yi Jesu a nga hoka ka wukhalo wule, a to gula maso a txi mu wona, se a txi khene kwakwe: “Zakewu, kuluveta u txhika, nguko nyamsi ni fanela kuya zumba m'tini kwako.”

Luka 19:7

Mbimo yi va nga wona tiya, votshe va to khata kungungurukela, va txi kha vona: “A endela nyumbani ka muonhi.”