Luka 19:5 - Bhiblia Yo Sawuleka

⁵ Mbimo yi Jesu a nga hoka ka wukhalo wule, a to gula maso a txi mu wona, se a txi khene kwakwe: “Zakewu, kuluveta u txhika, nguko nyamsi ni fanela kuya zumba m'tini kwako.”

Luka 19:5 Referans Kwoze

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Johani 1:48

Nathaniyele a txi khene kwakwe: “U ni zivela hani kani?” Jesu a to mu xamula a txi khene: “Na Filipi a sanzi ku kudhana, ani ni ku woni u di hahatshi ka mkuwu.”

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.

Luka 19:10

Nguko kunene Mwanana wa M'thu a tete ku ta lava ni kuhanyisa ava va nga ti mwalate.”

Ezekhiyele 16:6

Se ni to pinda ngu hafuhi ni nawe, ni kuwona u di nyete ngu mnoha, ni nje khani kwako: Hambiko u ku mnohani kwako, wa hanya; ina, nguko ni khani: Hambiko u ku mnohani kwako, wa hanya.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

Luka 19:2

Konaho, mmweyo wa mwamna, a nga txi dhanwa ku i Zakewu, mthangeli wa vakhupisi, awu kambe i nga ti nyatithombe,

Luka 19:4

Se a to tutuma eya masoni kwawe, eya kwela ka mkuwu wokari, kasi ku a txi sikota ku mu wona, nguko Jesu a ti ti fanela kupinda ngu kona hale.

Luka 19:6

Se ene a to txhika ngu txikuluveta, a txi mu amukela ngu kutsaka.