Luka 19:44 - Bhiblia Yo Sawuleka

⁴⁴ “Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Luka 19:44 Referans Kwoze

Luka 21:6

“Mata masiku, aawa, ka sotshe si mi si wonako, ku no mbi sala dirigwi txitimwi ka dirigwi: Sotshe si na khundumuselwa.”

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Luka 19:42

A txi khene: Yowe! Idiku na nawe u ti zivile nyamsi timhaka ti ti ku tiselako kudikha! Kambe konkuwa ti sisalekile masoni kwako.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Luka 1:78

Ngu wumbilu wa hombe wa Txizimu txathu, ha mana kuendelwa ngu wutxa wa kuta ngu txitimwi;

Marku 13:2

Jesu a txi khene kwakwe: “Wa ti wona tinyumba tiya ta hombe kani? Kha ku na mbi sala dirigwi txitimwi ka dirigwi, adi di no mbi khundumuswa.”

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Masalmo 137:9

A katekile awule a no ñola vanana vako, e va phwarasela ha marigwini!

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Isaya 29:3

Nguko ni na kuranganyeta ngu wugovelo wangu, ni ku kurandela ngu masotxhwa, kambe ni na aka maguma o kuwukela.

Jeremiya 11:23

Kha ku na mbi sala ni mmweyo wawe; nguko ni na neha dikhombo txitimwi ka vathu va Anatote, ngu dilembe da kutsayiswa kwawe.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.