Luka 19:21 - Bhiblia Yo Sawuleka

²¹ Nguko ni thavile, nguko u ku m'thu wo karata: U teka txi u nga mba txi veka, u elula txi u nga mba txi phaya.’

Luka 19:21 Referans Kwoze

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

1 Johani 4:18

Ku walo kuthava amu ka lirando, nguko lirando la kuhetiseka li tovela kuthava. Kuthava kutsimbilelana ni kutsayiswa; se awu a thavako kha nga ni lirando lo hetiseka.

Jakobe 2:10

Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

2 Timoti 1:7

Nguko Txizimu kha txa hi ninga moya wa dizowa, aniko txi hi ningile moya wa mtamo, ni wa lirando ni kutipimela.

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

1 Samuwele 12:20

Sekoko Samuwele a to khene ka vathu: Mi nga thaveni! Hambi ku anu mi nga maha wotshe wubihi wuwa; kambe mi nga lekeni nzila ya Mkoma, aniko thumelani Mkoma ngu mbilu yanu yotshe.

Luka 19:20

Mmwani a tile a txi ta khene: ‘Mkoma, pondo yako i ngadi yona yiya, ni nga yi sungelela mu ka difadhuko;

Luka 19:22

Aniko ene a ti khene kwakwe: ‘Txithumi txo biha, ni ku abanisa ngu kuwomba kwako. U ti zivile ti to ni m'thu wa tshofu, ni teka txi ni nga mbi txi veka, ni elula txi ni nga mbi txi phaya.