Luka 18:43 - Bhiblia Yo Sawuleka

⁴³ Se ene kunukunuko a to wona, e mlondisa, na a txi dhumisa Txizimu. Votshe vathu va va nga ti wona, ni vona va to pfalisa Txizimu.

Luka 18:43 Referans Kwoze

Masalmo 146:8

Mkoma wa tula maso a mabhofu; Mkoma wa wusa vale va thidhelako Mkoma wa randa vo lulama.

Vagalatiya 1:24

Se vona va ti dhumisa Txizimu ngu kota yangu.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Luka 13:17

Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.

Luka 5:26

Konaho va to xamala votshe, ve dhumisa Txizimu, ve tala ngu kuthava, va txi kha vona: “Nyamsi hi woni txixamaliso.”

Luka 4:39

Se Jesu a to nama txitimwi kwakwe, a txi dhusa txindeyandeya txi mu leka; se ene kunukunuko a to wuka e va thumela.

Matewu 21:14

Va to tshuketela kwakwe, kona Dithepeleni mule, mabhofu ni silima sa minenge, se ene a txi va hanyisa.

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Isaya 43:21

Vathuvo ni nga ti wumbela, kasi ku va na ni dhumisa.

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Isaya 35:5

Sekoko maso a mabhofu ma na tulwa, ni tinzeve ta maphanzeve ti na tuleka.

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Masalmo 30:2

Mkoma, Txizimu txangu, ni ku kombete txivhuno, se awe u ni hanyisile.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Luka 19:37

Se ngako a txi relela kuya dithekani ka mmango wa Miolivha, otshe mabutho a vagondiswa, ma ti ti dhumisa Txizimu ngu kutsaka, ngu dipswi do pfala, ngu mhaka ya sixamaliso si va nga si wona. Va txi kha vona:

Luka 9:43

Se votshe va to xamala mtamo wu wa hombe wa Txizimu. Ku ti ngako votshe va txi xamala totshe ti Jesu a nga ti maha, ene a to gela vagondiswa vakwe a txi khene: