Luka 18:33 - Bhiblia Yo Sawuleka

³³ Se, msana ka ku mkwapela ngu sisepu, va na m'daya; kambe a na wuka ngu ditshiku da wuraru.”

Luka 18:33 Referans Kwoze

Luka 24:7

‘Mwanana wa M'thu a fanete kuningelwa manzani ka vaonhi, a txi bethelwa ha txihambanoni e tshumela e wuka ngu ditshiku da wuraru.’ ”

Luka 24:21

Athu hi ti ni txithembo ka ti to Ene ngene a no tirula Israyeli; aniko, hambi keto, ditshiku da nyamsi nda wuraru, kukhukhela ti di mahekile timhaka tiya.

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Luka 18:32

Nguko a na ningelwa ka vamatiko, vona va na mtseketsela, ve mruketela, ni ku mthurela.

Luka 18:34

Aniko vona kuwalo ni txilo va nga txi pfisisa ka timhaka tiya: Dipswi diya di ti sisate kwawe, se kha va ti manisisa ati ti nga txi wombwa.