Luka 18:32 - Bhiblia Yo Sawuleka

³² Nguko a na ningelwa ka vamatiko, vona va na mtseketsela, ve mruketela, ni ku mthurela.

Luka 18:32 Referans Kwoze

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Marku 14:65

Se vamwani va to khata ku mthurela, ve mfenengeta khohe ngu nguwo, na va txi mpeka ngu sibhakela, va txi kha vona: “Hi nga huta!” Mahalamu ni ona ma txi mpeka ngu mipama.

Matewu 26:67

Sekoko va to khata ku mu thurela khoheni, ve mpeka ngu sibhakela. Vamwani va txi mu haphata ngu mipama, va txi kha vona:

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Johani 18:35

Pilato a to xamula, a txi khene: “No va ni di Mujudha ani kani? Ditiko dako ni vaphaxeli va hombe ngu vona va nga kuningela manzani kwangu. Nji txani u nga maha kani?”

Johani 18:30

Vona va to mu xamula, va txi kha vona: “Idiku ova asi nga ni mnandu, nga hi sa mtisa hawa kwako.”

Johani 18:22

Kambe, neti Jesu a nga gwita kuwomba tiya, mmweyo wa diphoyisa, a nga ti emile konaho a to mu yamasa ngu mpama, a txi khene: “Ngu toneto, u angulisako tona mphaxeli wa hombe kani?”

Luka 23:35

Dibutho da vathu di ti zumbile kona hale, va txi wonetela, se vathangeli va kona va txi poyilela va txi kha vona: “A ponisile vamwani, a na ti ponise nene apune, ngako i di Mesiya Msawulwa wa Txizimu!”

Luka 23:1

Se va to khukha votshe va txi mu heleketa ka Pilato;

Matewu 27:2

Se va di mu sungile mawoko, va to mu heleketa veya mningela ka mfumeli Pilato.

Johani 18:28

Msana keto, va to teka Jesu ve khukha nayo m'tini ka Kayifasi kuya thethiswa, ve mu heleketa nyumbani ka wukoma. I ti mixo. Vona kha va wulela nyumbani mule ka wukoma ngu kuthava kutinyenyezisa, kasi va txi na mana kudya Pasika.

Marku 15:1

Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 22:6

Vamwani va to ñola sithumi ve si xanisa ni ku si daya.

Luka 18:33

Se, msana ka ku mkwapela ngu sisepu, va na m'daya; kambe a na wuka ngu ditshiku da wuraru.”

Johani 18:32

Atiya ti mahekile kufela kutatiseka dipswi di Jesu a ngadi womba ngu ti a no fisa tona.