Luka 18:31 - Bhiblia Yo Sawuleka

³¹ Ene a to dhana ngu phuho va Digumi ni Vambidi, a txi va gela ku khene: “Wonani, ha kwela hi ya Jerusalema, se totshe ti ti nga bhalwa ngu Vaprofeti, madingano ni Mwanana wa M'thu, ti na hetiseka.

Luka 18:31 Referans Kwoze

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Luka 9:51

Ngako ma txi hoka masiku a kuguletwa kwakwe, Jesu a to tsana a txi teka nzila ya kuya Jerusalema.

Luka 9:22

A txi txhamusela ku khene: “Mwanana wa M'thu a fanete kuxaniseka ngutu, a txi vengelwa ngu madhota a ditiko ni vaphaxeli va hombe ni vabhali, a txi ningelwa kuya dawa, aniko ngu ditshiku da wuraru, a na wuka.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Marku 8:9

Kasi ava va nga dya va ti hafuhi ka 4.000 wa vathu. Se e va tsulisa.

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Luka 10:30

Se Jesu a txi khene: “M'thu wokari a ti relela ngu Jerusalema a txi ya Jeriko, se a to wa manzani ka makhamba, ayawa ma nga mu honyolela sotshe si a nga ti naso, se kugwita ka ku mu peketela, ma to khukha ma txi mu leka a di tsivate.