Luka 18:14 - Bhiblia Yo Sawuleka

¹⁴ “Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Luka 18:14 Referans Kwoze

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Jakobe 4:10

Ti vekeni hahatshi masoni ka Mkoma, se ene a na mi guleta.

Matewu 23:12

Awule a ti guletako, a na vekwa hahatshi; ani wule a ti vekako hahatshi a na guletwa.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Mavingu 3:34

Kha ditshuri ene a na xanisa vatseketseli, aniko a na ninga kukateka ka vale vo thutha.

Jobe 25:4

Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Varoma 4:5

Aniko awu asi thumiko na a txi kholwa ka wule a sikotako kuninga wululami muonhi, kukholwa kwakwe kuwombwa ku ngululama.

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Jobe 22:29

Va txi kupeka, u na khawe: Ku nave ho kuwuswa! Se Txizimu txi na hulukisa wule wo ti veka hahatshi.

1 Samuwele 1:18

Se Ana a to khene: Txi na mane mathomo txithumi txako txa txisikati masoni kwako. Ngu kumaha keto, wamsikati a to teka nzila yakwe e tsula, eya dya, aniko khohe yakwe hi si ngadi kambe yi xukuvala.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Varoma 8:33

I mani a no mangalela avale va nga sawulwa ngu Txizimu kani? Txizimu ngu txona txi lamulako ti to vona mbalulami!

Varoma 5:1

Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu;

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 45:25

Aniko ka Mkoma li nava li di lulamile ni kutikulisa lotshe liveleko la ka Israyeli.

Jobe 9:20

Ngako ni txo ti emela, txisofu txangu txi na ni kona; ngako ni txo ti womba mlulami, ni na nuwelwa wubihi.

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Masalmo 143:2

U nga lave ku ni thethisa ani txithumi txako, nguko masoni kwako kuwalo wu i ku wamnene.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Mavingu 25:7

nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.