Luka 18:12 - Bhiblia Yo Sawuleka

¹² Na ti tona sakudya kambidi ngu divhiki, na humisa sa wugumi ka sotshe si ni ku naso.’

Luka 18:12 Referans Kwoze

Luka 11:42

“Kambe mi na ni dikhombo, anu Vafarisi nguko mi humisa sa wugumi ka mbowa ni ka matawa otshe ni ka yotshe mindiwo ya mazokoro, mi txi leka kululama ni lirando la Txizimu! Mi ti fanete ku ti maha eto, mi si leki kumaha tile to thanga.”

Matewu 9:14

Sekoko ka yoneyo mbimo, vagondiswa va Johani va to tshuketela Jesu va txi kha vona: “Ngu kutxani athu ni Vafarisi hi ti tonako sakudya masiku o tala, na kasiko vagondiswa vako kha va ti toni, kani?”

Luka 17:10

Ngu toneto, nanu, msana ka kuva mi di hetile kumaha totshe tifanelo tanu, wombani ku khanu: ‘Hi sithumi so mbi vhuna txilo, hi mahile tiya hi nga ti ni fanelo ya ku ti maha dwe.’ ”

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Matewu 6:1

“Ti woneleni ti to mi si mahi mithumo yanu ya yinene masoni ka vathu, kasi kuwonwa ngu vona; ngako mi txi mahisa eto, kha mi na mbi tshungulwa ngu Tate wanu wa nzumani.”

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.

Vaefesu 2:9

Hi nga so huma mtamoni kwanu, kufela ku ni wammweyo asi ti kulisi.

Vagalatiya 1:14

Amu ka txijudha ni ti va pala vavangi va tanga yangu, ni va lihunzu la ka kwathu, ditikoni kwathu, ngu kukhutalela ngutu milayo ya txikale ya vatate vathu.

1 Vakorinto 1:29

ti to ku si maneki m'thu wa kutikulisa masoni ka Txizimu.

Varoma 3:27

Se ku ti dhumisa kwathu ku ka tihi kani? Kufuvisilwe! Ngu mlayo muni kani? Ngu mlayo wa mithumo kani? Ahim-him. Kambe kufuvisilwe ngu mlayo wa kukholwa.

Matewu 6:16

“Ngako mi txi ti tona sakudya, mi nga kombiseni kuthuvika khoheni, nga vaxengeteli, ava va thuvikako khoheni kwawe, kasiku va na woneka ka vathu ti to va ti tonile sakudya. Kha ditshuri na mi gela ti to va amukete ditshungulo dawe.

Matewu 6:5

“Se ngako mi txi khongela mi nga thukeni mi fana ni vaxengeteli va dhundako kukhongela va di emile masinagogani ni mahandakanyani ka tinzila, kasi kuwonwa ngu vathu; kha ditshuri na mi gela ti to va amukete ditshungulo dawe.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

2 Vafumeli 10:16

Se Jehu a to khene: Tsimbila ni nani, u na wona ku ti ningela kwangu ka Mkoma. Se Jehu a to mteka mu ka txikotxikani txakwe.

1 Samuwele 15:13

A to ta koko, Samuwele ka Sawule; se Sawule a txi khene kwakwe: Mana kukatekiswa awe ngu Mkoma, ni mahile dipswi da Mkoma.

Mitengo 23:4

Se mbimo yi Txizimu txi nga manana ni Bhalahamu, ene a to khene: Konkuwa ni lulamisile siluvelo sa mtxhanu ni simbidi, ni maha mningelo ngu dirole ni hamba txitimwi ka txiluvelo tximwani ni tximwani.

Mitengo 18:24

Nguko sawugumi, asi vanana va ka Israyeli va ningelako ka Mkoma, ni si ningete ka va ka Levhi, si txi maha thomba yawe. Ngu konaho, ni wombile ti to kha va na mbi va ni thomba yimwani, hahanze ka vanana va ka Israyeli.

Matewu 5:20

Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”