Luka 17:6 - Bhiblia Yo Sawuleka

⁶ Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Luka 17:6 Referans Kwoze

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Marku 9:23

Jesu a ti khene kwakwe: “Ngako u txi sikota! Totshe ta koteka ka wu a kholwako.”

Luka 13:19

Wu fana ni nyingi ya txinapi, ayi m'thu a nga yi teka, a txi ya phaya thembweni kwakwe; se yi kula yi maha mndonga, se sinyana sa nzumani si ta aka madhavini ka wona.”

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Luka 19:4

Se a to tutuma eya masoni kwawe, eya kwela ka mkuwu wokari, kasi ku a txi sikota ku mu wona, nguko Jesu a ti ti fanela kupinda ngu kona hale.

Marku 4:31

Wu fana ni mbewu ya txinapi, ayi i ku ya yidotho ka timbewu totshe ta mafu.

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Luka 7:19

Se Johani a to dhana vagondiswa vakwe va vambidi, e va ruma ka Jesu, kuya wotisa va txi kha vona: “Ngawe awu a tako mwendo hi ngadi hi verela mmwani kani?”

Luka 17:7

“I mani kwanu, awu a ku ni txithumi txa kudima mwendo txa kudyisa tihomu, awu mbimo yi txona txi wuyako ngu thembweni, a txi gelako ku khene: ‘Ngono kheno ngu kukuluveta, u ta khalahatsha ha mezani ka sakudya kani?’

Matewu 14:29

Jesu a nje khene: “Ngono!” Pedro a di txhikile ngu ngalavani, a to tsimbila txitimwi ka mati a txi ya ka Jesu.