Luka 17:22 - Bhiblia Yo Sawuleka

²² Se a txi khene ka vagondiswa vakwe: “Yi nata mbimo yi mi no lava kuwona hambi dimwedo ka masiku a Mwanana wa M'thu, aniko kha mi na mbi di wona.

Luka 17:22 Referans Kwoze

Luka 5:35

Kambe ya ta mbimo, ayi mteki a no thaviswa kwawe; keyo mbimo ngu kona va no sikota kutitona sakudya.”

Matewu 9:15

Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

Johani 13:33

Vanangu: Ani ni ngadi ni nanu txikhatianyana txidotho. Mi na ni lava, aniko, nga ti ni nga wombisa tona ka Vajudha, na nanu konkuwa na mi gela ku khani: ‘Ahawa ani ni yako kona, anu kha mi sikoti kuta kona.’

Marku 2:20

Aniko ma nata masiku awa ti nota tekelwa mteki, se ngu kona ti na ku ta ti tona sakudya.

Johani 12:35

Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.

Luka 13:35

Wonani, konkuwa m'ti wanu wu na maha dirumbi. Na mi gela ku khani: Kha mi na mbi ngadi mi ni wona, kala mbimo yi mi no khanu: A na dhumiswe awu a tako ngu ditina da Mkoma.”